Santa Monica é unha cidade localizada ó oeste do condado dos Ánxeles (California), nos Estados Unidos. A cidade recibe o seu nome pola santa cristiá, Santa Mónica. Localizada na baía de Santa Mónica, está arrodeada por completo pola cidade dos Ánxeles e os seus barrios: Pacific Palisades ao noroeste, Brentwood polo norte, West Los Angeles polo nordeste, Mar Vista polo leste, e Venice polo sueste. Santa Monica é o fogar de moitas celebridades e executivos de Hollywood. Segundo o censo de 2010, a poboación de Santa Monica é de 89.736.